VN-verslag: Rusland en Oekraïne ewe skuldig aan aanval op verpleeg-inrigting

Die VN se kantoor van die Hoё Kommissaris vir Menseregte het in ŉ nuwe verslag bevind Oekraïne se gewapende magte is ewe skuldig vir ŉ Russiese aanval in Maart op ŉ verpleeg-inrigting in die suidooste van Kiёf. Oekraïnse amptenare het Russiese magte daarvan beskuldig dat hulle meer as 50 weerlose burgerlikes doodgemaak het. Die verslag het egter bevind Oekraïnse soldate het ŉ paar dae voor die aanval stelling ingeneem binne die verpleeg-inrigting, wat die gebou in ŉ teiken omskep het en dus moontlik menslike skilde gebruik het om militêre optrede te voorkom.