Twee werksverwante ongelukke in derde kwartaal aangemeld

Die Namibiese arbeidsministerie het vanaf Julie tot September 1 091 arbeidsake hanteer. Altesaam 568 of 52 persent hiervan is opgelos, terwyl nog 48 persent hangend is. Twee ernstige ongelukke is ook in hierdie tydperk by werksplekke aangemeld, een by Tsumeb en een op Ondangwa. By Tsumeb het twee werkers op die plaas Tanto beserings opgedoen toe hulle hout gesaag het, met drie vingers van ʼn werker wát geamputeer moes word. In die ander ongeluk by Cashbuild op Ondangwa is ‘n kliënt beseer toe ‘n betonblad van tien kilogram op sy voet geval het.