Trump se Sidney pleit skuldig

’n Voormalige prokureur vir Donald Trump het skuld beken dat sy die voormalige Amerikaanse president se pogings gehelp het om sy verkiesingsnederlaag in die staat Georgia om te keer, en het ingestem om teen hom en 16 medebeskuldiges te getuig indien sy geroep word. Die prokureur, Sidney Powell, het skuldig gepleit op ses aanklagte van sameswering om opsetlike inmenging met die uitvoering van verkiesingspligte te pleeg. Powell se pleit het gekom enkele dae voordat sy verhoor sou word op aanklagte van rampokkery en sameswering om verkiesingsbedrog te pleeg.