Trevor Noah bied weer Grammy’s aan

Die bekroonde komediant Trevor Noah is weer gekies om die Grammy-toekennings aan te bied. Die aankondiging is grappenderwys gemaak in ‘n gesprek met mede-grapjas Josh Johnson op Noah se potgooi, What Now?. Dit sal die vierde agtereenvolgende jaar wees dat hy die gasheer van die Grammys is. Noah is bekend vir die vaardige manier waarop hy humor en ‘n diep waardering vir musiek saamvoeg. Hy sal na verwagting ‘n innemende en vermaaklike atmosfeer verleen aan die 66ste Grammys. Dit is geskeduleer om op 4 Februarie regstreeks uitgesaai te word.