Tiger Woods maak sy terugkeer tot mededingende gholf saam met sy seun

Gholf: Die vyftienmalige Major-kampioen, Tiger Woods, het bevestig dat hy sy terugkeer tot mededingende gholf volgende week in Florida maak, wanneer hy saam met sy seun Charlie aan die PNC-kampioenskap deelneem. Dit sal Woods se eerste kompetisie wees sedert sy motorongeluk in Los Angeles in Februarie. Die PNC-kampioenskap van 36 putjies spog met talle Major-kampioene wat saam met hulle kinders of ouers afslaan. Woods sê al was dit ‘n lang en uitdagende jaar, is hy baie opgewonde om saam met sy seun aan die geleentheid deel te neem.