Suid-Korea se panda-babas aan die publiek bekend gestel

Suid-Korea het vandag sy eerste blik op die land se nuwe paar baba-reusepandas tydens ‘n naam-onthullingseremonie gehad. Die geleentheid het gedien as ‘n vroeë viering van die 100 dae sedert hul geboorte. Die twee vroulike welpies – genaamd Rui Bao, of “wyse skat”, en Hui Bao, “blink skat” – is op 7 Julie by die Everland-temapark naby die hoofstad, Seoel, gebore en het sedertdien groot opgewondenheid veroorsaak. Sowat ‘n halfmiljoen panda-liefhebbers het gehelp om hul name te kies deur middel van aanlyn-stemming.