Suid-Afrikaanse leerlingvlienier se ongeluk by Omaruru ondersoek


‘n Suid-Afrikaanse leerlingvlieënier met ‘n vliegtuig van die Swakopmund-vliegskool het Saterdag omstreeks vier-uur die middag by Roidina Lodge se vliegveld naby Omaruru tydens ‘n landing en onmiddellike opstyging glo ‘n dwarswind sowat tien voet bo die grond getref, wat die Piper Cherokee-vliegtuig in die bosse laat beland het. Volgens die vliegtuigongelukondersoekbeampte, kaptein Oskar Plichta, is die vliegtuig se vlerke mors-af deur die bosse afgebreek. Die 44-jarige vlieënier wat alleen in die vliegtuig was, het kop- en rugbeserings opgedoen. Hy is na die Omaruru-staatshospitaal geneem, na Swakopmund vir verdere behandeling oorgeplaas en is in ‘n stabiele toestand. Die ondersoek deur die direktoraat van vliegtuigongelukondersoeke in die ministerie van werke en vervoer duur voort.  


Leave a Reply

Your email address will not be published. Required fields are marked *