Stormers mik na oorwinning teen taai Ulster

Rugby: Die Stormers se direkteur van Rugby, John Dobson, sê sy span mik daarna om hulle oorwinning verlede week teen Edinburgh, vanmiddag teen ‘n taai Ulster in Kaapstad te herhaal. Dobson sê hulle het goeie aanvallende rugby in hulle 43-21 sege teen Edinburgh gespeel, maar hulle besef hulle sal baie meer akkuraat teen Ulster moet wees. Dobson het Hacjivah Dayimani met sy 50ste wedstryd vir die Stormers gelukgewens en sê die losvoorspeler is ‘n groot aanwins vir die span.