Sportbra help met vroeë opsporing van borskanker

‘n Suid-Afrikaanse organisasie sonder winsbejag, CheckKnowPrevent, het ‘n nuwe sportbra bekend gestel wat help met die vroeë opsporing van borskanker, en sal ook gemeenskaps-projekte ondersteun om gereelde bors-ondersoeke te bevorder. Die onderklere gebruik ‘n versteekte binnevoering wat kommunikeer hoe om self ‘n ondersoek te doen en watter waarskuwingstekens om voor op te let wat ‘n verdere ondersoek deur ‘n professionele persoon kan noodsaak. Die uitvoerende hoof, Debbie Gebhardt, sê hulle wil verseker vroue ondersoek gereeld hul borste, weet watter waarskuwingstekens om voor op te let, en kan voortydige sterftes voorkom deur onmiddellik op te tree.