Sowat 473 miljoen Indiërs ingeënt

Ongeveer 473 miljoen mense in Indië wat in aanmerking daarvoor kom, het reeds een van hul Covid-entstowwe ontvang. Dit het aanvanklik 85 dae geneem om die eerste 100 miljoen inentings te gee, maar die regering sê dit het slegs 19 dae geneem om die volgende 100 miljoen toe te dien. Vanaf Januarie is meer as 610 miljoen dosisse van die Covishield, Covaxin en Sputnik V-entstowwe toegedien. Indië het die tweede meeste Covid-gevalle ter wêreld met 32 miljoen en die derde hoogste dodetal met meer as 400 000.