So lyk Junie se voedselpryse

Die jongste inflasiesyfers vir Junie toon dat voedsel en nie-alkoholiese drankies met 7 persent duurder geword het teenoor 7,3 persent wat in Junie 2021 aangeteken is. Olies en vette het by verre die meeste gestyg en is 26,2 persent duurder met vrugte op 18,1 persent. Vis en grane het elk met 7 persent gestyg met suiker-produkte wat 6,5 persent duurder is. Sappe en koeldranke is op met 5,6 persent met vleis wat 4,5 persent duurder is. Vleis het baie goedkoper geword – in Junie 2021 het dit met 16 persent gestyg. Groente en koffie en tee het elk 4,8 persent duurder geword. Algehele inflasie is op 6 persent vir Junie, teenoor 5,4 persent in Mei vanjaar.