Reuse-veldbrand woed in suidweste van Frankryk

Meer as 1 000 brandbestryders beveg ‘n reuse-veldbrand in die suidweste van Frankryk wat reeds meer as 7 400 hektaar woud vernietig het. Die brand, sowat 30 kilometer suidoos van Bordeaux, het huise vernietig en sowat 10 000 mense gedwing om te vlug. Sterk winde en hoë temperature belemmer die brandbestrydings-operasie. Altesaam 65 Duitse brandbestryders het in die gebied aangekom en ander vanaf Pole en Roemenië gaan ook help. Veldbrande het hierdie somer oor Europa heen uitgebreek terwyl opeenvolgende hittegolwe die vasteland bak.