Prins Harry: Onenigheid tussen broers sou Diana se hart breek

Prins Harry van Brittanje sê hy is ten gunste van versoening met sy familie, maar daar sal aanspreeklikheid moet wees voor dit kan gebeur. Hy het ‘n onderhoud met Michael Strahan van Good Morning America toegestaan, voor vandag se publikasie van sy memoir getiteld “Spare”. Harry het breedvoerig gepraat oor hoe die dood van sy ma Diana, toe hy net 12 was, sy lewe beïnvloed het. Hy het erken die onenigheid tussen hom en sy broer William sou haar hart gebreek het.