Oortrokke fasiliteite, lenings en kredietkaarte hoof komponent van skuld

Huishoudings bly onder druk en individuele skuld het in September op ‘n maandgrondslag met 0,5 persent gegroei en teenoor September verlede jaar, met 2,8 persent. Eiendomslenings het net geringe groei getoon met 0,3 persent teenoor Augustus vanjaar terwyl oortrokke fasiliteite met 1,3 persent gegroei het. Persoonlike lenings, kredietkaartskuld en ander het met 1,5 persent teenoor Augustus gegroei en met 8,6 persent vergeleke met September 2021.