Oekraïnse ambassadeur sê dis moeilik om boodskap in SA te versprei

Die Oekraïense ambassadeur in Suid-Afrika, Liubov Abravitova, sê haar land vind dit moeilik om sy boodskap in Suider-Afrika te versprei. Sy het aan internasionale nuusagentskappe gesê dit is weens die geneentheid teenoor Moskou wat dateer uit die apartheids-era. Abravitova sê daar is sterk sentiment rondom Rusland, omdat Moskou gedurende die Koue Oorlog teen-apartheids- en teen-kolonialistiese bewegings gesteun het. Baie vegters is na die ou Sowjetunie vir onderwys- en militêre opleiding. Sodoende is vriendskaplike bande gesmee wat tot vandag steeds aanklank vind.