Oakbay-direkteur kry tien jaar tronkstraf vir belastingbedrog met sigarette

Die streekhof in Johannesburg het ‘n direkteur van Oakbay Trading, Druvkumar Narendra Naik, skuldig bevind aan belastingbedrog met sigarette en tot tien jaar tronkstraf gevonnis. Hy het uitvoerdokumente vervals en sigarette na die Suid-Afrikaanse mark terug herlei sonder on aksynsbelasting te betaal. Rekords dui aan Oakbay is in 2008 geregistreer en word tans gederegistreer. Die bedrog het die Inkomstediens sowat 18 miljoen rand aan verlore inkomste gekos.