Namibië binnenshuise hokkie-spanne by Nkosi-beker toernooi

Die tweede Nkosi-beker internasionale binnenshuise hokkie-toernooi begin vandag by die Wynberg militêre basis in Kaapstad, en Namibië neem in beide die mans- en vroue-afdelings deel. Namibië se vrouespan het verlede jaar die titel gewen. In die mansafdeling speel Namibië teen Suid-Afrika, Ierland en Nieu-Seeland, terwyl die vrouespan sal kragte meet teen Suid-Afrika en Ierland. Namibië se mansspan speel tans hul eerste wedstryd teen Ierland. Die vroue se eerste wedstryd is môre om kwart-voor-een teen Suid-Afrika.