Mudge sê NSA moes beter beplan het aan sensus

‘n Oud-parlementslid, Henk Mudge, sê die Namibiese Statistieke-agentskap moes beter beplan het aan die komende Nasionale Bevolking- en Behuisingsensus. Die sensus begin op 18 September en sal tot 3 November duur. Mudge se kritiek volg op die kabinet wat opdrag aan alle ministeries en agentskappe gegee het om van hul voertuie aan die agentskap beskikbaar te stel om die sensusbegroting op voertuighuur drasties te verminder. Mudge het met Kosmos 94.1 Nuus gepraat en gesê belastingbetalers se geld word weer gemors.