Mej. Suid-Afrika is Ndavi Nokeri

‘n Stralende Ndavi Nokeri is gisteraand by ‘n glansgeleentheid in Pretoria as Mej. Suid-Afrika vir 2022 gekroon. Die 23-jarige van Tzaneen in Limpopo het ‘n B-Com-graad van die Universiteit van Pretoria en het gewerk as ‘n batebestuurskonsultant in Kaapstad. Nokeri het ‘n kontantprys van 1 miljoen Suid-Afrikaanse rand ontvang en ‘n borgskap-pakket van meer as 3 miljoen rand. Ayanda Thabethe van Pietermaritzburg in KwaZulu-Natal is die naas-wenner.