Meer as 2,7 miljoen aansoeke vir SA onderwysposte

Die Suid-Afrikaanse departement van basiese onderwys het meer as 2,7 miljoen aansoeke van meer as 475 000 jongmense ontvang vir 287 000 onderwys- en algemene assistentposte. Die departement oorweeg tans aansoeke in fase 2, wat op 1 November begin en tot Maart volgende jaar duur. Aansoeke vir die tweede fase het op 27 September geopen en gister gesluit. ‘n Woordvoerder sê sedert die opening van die aansoekproses was die departement se webwerf ontsettend besig, wat ‘n vertraging op die webtuiste veroorsaak het.