Malaria-intentings van stapel gestuur in Kameroen

Kameroen het vandag die eerste malaria-inentingsprogram van stapel gestuur wat landwyd aangebied word en as ‘n kwessie van roetine inentings hanteer sal word. Volgens die Wêreldgesondheidsorganisasie maak malaria meer as 600 000 mense per jaar dood, hoofsaaklik in Afrika. Kinders onder vyf jaar oud is verantwoordelik vir meer as 80 persent van sterftes op die vasteland. Na ‘n loodsfase word die RTS,S-entstof in Afrika versprei, wat in Kameroen begin.