Instagram sal teen N$7 miljard boete appelleer

Ierland se Databeskermings-kommissaris het Instagram met 7 miljard Namibiese dollar beboet omdat hy nagelaat het om kinders se inligting te beskerm. Dit volg op ‘n ondersoek na jong gebruikers van die sosiale netwerk. Daar is bevind kinders van tussen 13 en 17 is toegelaat om sake-rekenings te bedryf, wat gelei het tot die bekendmaking van hulle inligting soos selfoonnomers en e-posadresse. Instagram se moedermaatskappy, Meta, sê hy gaan teen die beslissing appelleer en wys daarop hulle het nuwe eienskappe ingestel om tieners te beveilig en hulle inligting privaat te hou.