Hou op huursoldate stuur, vra Sudan se weermaghoof

Sudan se weermaghoof sê hy het nie militêre steun gesoek op ‘n onlangse streekstoer nie en dat hy ‘n vreedsame oplossing voorstaan vir die konflik wat duisende burgerlikes gedood en miljoene ontheem het. Generaal Abdel Fattah al-Burhan het ook in ‘n onderhoud met Reuters gesê hy het buurstate gevra om op te hou om huursoldate te stuur ter ondersteuning van die paramilitêre Rapid Support Forces. Burhan het bygevoeg hy glo dat samesprekings oor die oorlog deur Saoedi-Arabië en die Verenigde State in Jeddah, wat gestop het, steeds kan slaag.