Ghislaine se prokureurs sluit af

Prokureurs vir Ghislaine Maxwell het afgesluit en beskryf die staat se mensehandelsaak teen haar as ‘n onbewese saak. Maxwell, 59, sal ook nie in haar verhoor getuig nie. Haar span het nege getuies geroep in hulle saak. Sy ontken al die klagte teen haar wat insluit dat sy minderjarige meisies vir haar vriend, Jeffrey Epstein, bekom en voorberei het vir hom om te misbruik. Sy sal tot 80 jaar tronkstraf gevonnis kan word indien sy skuldig bevind word. Sy is sedert November verlede jaar in aanhouding.