Ghana stoot repokoers op met 250 basispunte

Ghana se sentrale bank het Maandag sy grootste rentekoersverhoging ooit aangekondig omdat hy poog om die voortslepende styging in inflasie te vertraag. Die Bank van Ghana het sy uitleenkoers met 250 basispunte tot 17 persent verhoog. Verbruikers sukkel met skerp stygings in die prys van talle goedere – van meel tot suiker tot brandstof – en teen ‘n verswakkende plaaslike geldeenheid wat beleggersvertroue knou. Dit is die grootste styging in Ghana se geskiedenis, volgens regeringsrekords.