Geskikte saailinge gereed, so plant piesangs!

Namibië het begin om piesangs regoor die land te plant met die doel om die land se afhanklikheid van ingevoerde piesangs te verminder. Meer as 30 miljoen Namibiese dollar se piesangs word jaarliks ingevoer. Vroeë proewe is reeds op ‘n aantal plekke voltooi. Boere kry die regte piesang-saailingkultivars van AvaGro, ‘n piesangweefselkultuurfasiliteit in plaaslike besit, in samewerking met die Namibië Akkerbouraad. Boere word versoek om in hierdie program te belê aangesien AvaGro reeds geskikte piesangsaailinge gekweek het. Kosmos 94.1 Nuus het gesels met Emilie Abraham, die Akkerbouraad se tuinboubestuurder, wat uitlig wat die proewe insluit.