Geingob woon dinee by paleis by, koninklike begrafnis vandag

President Hage Geingob het Sondagaand in Londen aangekom vir koningin Elizabeth II se begrafnis wat vandag plaasvind. Hy het ‘n geleentheid wat deur koning Charles III gehou is, Sondagaand by Buckingham-paleis, ter herinnering aan die koningin, bygewoon. Daar word verwag meer as 2 000 wêreld leiers sal vandag haar begrafnis wat om 12-uur plaaslike tyd by die Westminster-abdy begin, bywoon. Ná die begrafnis sal die koningin se kis na Windsor-kasteel vervoer word vir ’n private teraardebestelling in St. George’s-kapel, waar sy saam met haar oorlede man, prins Philip, haar ouers en haar suster ter ruste gelê sal word.