Frederick sê plaaslike owerhede moet deursigtig, versigtig wees

Die goewerneur van die Karas-streek Aletha Frederick het plaaslike owerhede gemaan om versigtig en deursigtig met finansiële bronne te werk. Sy sê aanspreeklikheid is van kritiese belang en plaaslike owerhede moet beter vaar wanneer daar oudits op hulle sake gedoen word. Jaar na jaar gee die kantoor van die ouditeur-generaal gekwalifiseerde oudits aan talle plaaslike owerhede regoor die land met miljoene dollar wat somtyds eenvoudig weg is. Basiese dienste ontbreek ook, veral in landelike gebiede en dorpsrade het miljoene in uitstaande skuld aan beide NamPower en NamWater. Personeel by dorpsrade en ook streeksrade moet verantwoording doen en senior amptenare moet sorg dat dit wel gebeur, het sy gesê.