Fitty se borgaansoek duur vandag voort…

Die voortgesette borgtogaansoek deur Fishrot-beskuldigde Tamson Hatuikulipi sal vanoggend om tien-uur weer in die Windhoekse hoërhof voor waarnemende regter David Munsu hervat. Hatuikulipi sal voortgaan met sy hoofgetuienis wat gelei word deur die verdediging se regsverteenwoorder Florian Beukes van Metcalfe Beukes Prokureurs. Hy het Woensdag wenkbroue laat lig met sy talle bates wat verskeie motors en 22 eiendomme insluit. Hy het ook beken dat hy verantwoordelik was vir die Yslandse vismaatskappy Samherji se toetrede tot die Namibiese visbedryf.