Eskom ly netto verlies van 18,9 miljoen rand

Eskom se uitvoerende hoof, André de Ruyter, het aangekondig die kragreus het ná belasting ‘n netto verlies van 18,9 miljard rand getoon vir die boekjaar wat op 31 Maart vanjaar geëindig het. Verkoopsvolumes het met 6,7 persent gedaal. Eskom het in hierdie tydperk hul personeel met 4,5 persent verminder. Die bruto skuldlas het met 81,9 miljard rand verminder. Belastingbetalers het 56 miljard rand aan skuldbetaling bygedra. De Ruyter sê die skuldlas is Eskom se grootste uitdaging.