Eskom verleng fase 4-beurtkrag

Eskom het aangekondig dat Fase 4-beurtkrag die hele Donderdag en Vrydag sal voortduur, met ‘n moontlikheid van laer fases vanaf Saterdagoggend. Eskom se woordvoerder, Sikonathi Mantshantsha, sê die tekort aan opwekkingsvermoë en noodsaaklike onbeplande instandhouding om eenhede weer in diens te stel, het tot die verlenging gelei. Mantshantsha sê daar was vanoggend nog opwekkingseenhede wat onklaar geraak het by Kendal en Majuba, as gevolg van ketelbuis-lekkasies.