Ervare slot Guido Petti terug vir Pumas

Rugby: Argentinië se afrigter, Felipe Contepomi, het die ervare slot Guidi Petti herroep vir die eerste keer sedert verlede jaar se Wêreldbekertoernooi. Hy is ingesluit in die groep van 34 spelers vir die twee Rugbykampioenskaps-tuistoetse teen Australië. Petti vervang die 20-jarige Efrain Elias, wat in sy eerste toets gespeel het in die onlangse oorwinning oor die All Blacks in Wellington. Die losvoorspeler Santiago Grondona is ook terug nadat hy beseer is in die Pumas se laaste Wêreldbeker-opwarmingswedstryd.