Engeland klop Pakistan met beurt en 47 lopies

Krieket: Engeland het Pakistan met ʼn beurt en 47 lopies afgeransel in die eerste toets in Multan. Die gashere het ʼn skitterende 556 in hul eerste beurt aangeteken, maar toe neem Harry Brook en Joe Root beheer en dra onderskeidelik ʼn driedubbele en dubbele honderdtal by. Engeland se kaptein, Ollie Pope, het op ʼn uitsonderlike 823 vir sewe verklaar. Pakistan kon in sy tweede beurt slegs 220 behaal. Die tweede toets begin Dinsdag op dieselfde veld en die laaste een die 24ste in Rawalpindi.