Duitsland gee baie, maar nie direk aan die gemeenskappe nie

Volgens die Namibië Beplanningskommissie beloop Duitsland se amptelike ontwikkelingshulp aan Namibië sedert onafhanklikheid tot 2023 sowat 32 miljard Namibiese dollar. In per capita terme is Namibië dus die grootste ontvanger van Duitse ontwikkelingsamewerking in Afrika. Duitsland is ook steeds in samesprekings met Namibië oor volksmoord-reparasies vir die slagoffers, die Ovaherero- en Nama-gemeenskappe. Sommige lede van die publiek vra of Duitsland se belegging in Namibië nie genoeg is om op te maak vir die volksmoord van 1904 nie. Kosmos 94.1 Nuus het gesels met Sima Luipert, ‘n lid van die tegniese komitee van die Nama Tradisionele Leiersvereniging, wat gesê het dit gaan nie oor die geld nie.