Damme het water gekry!

Die goeie neerslae van die afgelope dae het talle riviere laat loop en volgens NamWater het verskeie damme water ingeneem. Von Bachdam naby Okahandja het 27 000 kubieke meter op 17 Januarie ontvang en staan tans op 46,5 persent. Tussen 18 en 19 Januarie het Hardap 26,2 miljoen kubieke meter ingeneem en het van 47,7 persent van kapasiteit gestyg tot 56,6 persent. Nautedam by Keetmanshoop staan tans op 107 persent nadat daar Maandag 2,1 miljoen kubieke meter water ontvang is. Die dam se sluise is Sondag oopgetrek toe die dam 110 persent bereik het. Net Wes van Windhoek het Friedenau 200 000 kubieke meter water ontvang en staan tans op 79,4 persent teenoor Maandag se 76,7 persent.