Motorsport: Valterri Bottas reken, as hy op sy beste is, kan hy nie geklop word nie. Hy erken egter hy het nie altyd sy beste bestuursvernuf by Mercedes ten toon gestel nie. Die Finse renjaer het tien wedrenne vir die Silver Arrows gewen en het Lewis Hamilton ondersteun om vyf opeenvolgende Vervaardigerskampioenskappe vir die span in te palm. Hy het aan joernaliste erken hy het dikwels gevaar geloop om té hard te probeer om sy spanmaat te klop, wat soms teen hom getel het. Bottas het oorheers toe hy verlede jaar in Turkye sy laaste wedren vir Mercedes gewen het en hy voel niemand kan hom op sulke dae onderkry nie.