Britse brandstoftekorte – weermag dalk ontplooi

Die premier van Brittanje, Boris Johnson, sal na verwagting vandag met senior lede van sy kabinet vergader om Operation Escalin te bespreek rakende die ontplooiing van soldate vir brandstoflewering. Dit volg ná die brandstofmaatskappy BP se aankondiging dat ‘n derde van sy vulstasies geen voorraad van die belangrikste twee grade brandstof het nie. Operation Escalin vir die lewering van brandstof is geskep tydens die beplanning vir ‘n Brexit sonder ‘n ooreenkoms. Die land se brandstofhandelaarsvereniging, wat byna 5 500 onafhanklike winkels verteenwoordig, sê tussen 50- en 90-persent van sy lede het kennis gegee dat hul brandstof opraak.