Botswana is Namibië se nuwe top-uitvoerland

Namibië se uitvoere na Botswana beloop 1,6 miljard Namibiese dollar en ingevoerde goedere 45 miljoen dollar, wat dus ‘n positiewe handelsbalans tussen die twee lande van 1,5 miljard dollar verteenwoordig. Volgens die handelsbulletin van Junie het Namibië met Suid-Afrika uitvoere van 1,5 miljard dollar in Junie aangeteken, terwyl goedere ter waarde van 3,7 miljard dollar ingevoer is, dus ‘n handelstekort van 2,2 miljard dollar. Namibië se uitvoere na Frankryk het 718 miljoen dollar beloop terwyl invoere 36 miljoen dollar is, dus ‘n handelsoorskot van 683 miljoen dollar. Uitvoere na China beloop 590 miljoen dollar en invoere 749 miljoen dollar, dus ‘n handelstekort van 159 miljoen dollar. Spanje is Namibië se vyfde top-uitvoerland met ‘n handelsoorskot van 483 miljoen dollar.