Swaar verkeer op hoofroetes van die land

Swaar verkeer word op die oomblik op van die hoofroetes in die land ervaar met mense wat terugkeer huistoe na die Paasnaweek.Die roetes van die kus en die noorde na die hoofstad  is op die oomblik baie besig soos Shaun Naude van Marshall Rangers berig.Shaun Naude Maandag twee


Duisters neem glo baie honde aan oor Covid-19 inperking

Sedert die begin van die Covid-19-pandemie stroom Duitsers in rekordgetalle na troeteldierwinkels en diereskuilings in Duitsland om honde aan te neem. Volgens berigte hoop mense ‘n viervoetige vriend kan help om eensaamheid te verlig. Met skole in Duitsland wat vir die grootste deel van 2020 gesluit was, het ouers honde opgeraap as ‘n manier om hul kinders te vermaak. Die Duitse dierebeskermingsvereniging sê die vraag na troeteldiere neem steeds toe.


Winste op kriptobates dalk belasbaar

Suid-Afrikaanse belasting betalers  moet volgens berigte uit die buurland bewus wees daarvan dat winste en opbrengste uit kriptogeldeenhede in Jan Taks se visier is. Kenners het bekendgemaak dat verskeie individue  reeds ouditversoeke van die belastinggaarder in die buurland gekry het oor hulle beleggings in kriptobates.


Situasie in Palma in Mosambiek steeds gespanne

Die situasie in Palma in die noorde van Mosambiek bly gespanne en groot getalle mense wat uit  hulle huise gevlug het na aanvalle van miltante groepe sukkel nou om huisvesting en kos te kry. Die Wêreldvoedselprogram is besig met hulp in die verband. Shelley Thakral van die program het met die media in Palma oor die situasie op grondvlak gepraat.


Minister van verdediging na staatshuis ontbied oor sy Hong Kong rekening

Die Namibiese Minister van Verdediging,Peter Vilho, vergader waarskynlik môre met president Hage Geingob by staatshuis oor die bewerings oor sy beleggingsrekening in Hong Kong.Dit volg na berigte dat die Aanklaer-Generaal Martha Imalwa bevestig het dat daar ‘n ondersoek gelas is oor die rekening wat deur Vilho besit word. Vilho het glo nie sy belegging in Hongkong, by sy bate-verklaring by die Nasionale Vergadering ingesluit nie. Hy het net ‘n mahangu-land, twee huise, ‘n plot en 10 persent aandeel in Aussenkehr Energie verklaar. 


Prins Hamzah bin Hussain van Jordanië reageer op sy huisarres

Die regering van Jordanië het koning Abdullah se halfbroer,prins Hamzah bin Hussain onder huisarres geplaas en beskuldig hom daarvan dat hy die land destabiliseer. Die prins beskuldig egter die regering van die land van korrupsie en onbevoegdheid. Sy prokureur het die stemgreep van die prins aan die media gelek. Hamzah bin Hussain Maandag


Lesufi ontken geheime vergadering oor tenders

Gauteng se LUR vir Onderwys, Panyaza Lesufi, verwerp berigte dat hy ‘n sogenaamde geheime vergadering gereël het om departementele tenders te bespreek. Die LUR se woordvoerder, Steve Mabona, sê Lesufi het in Mei verlede jaar ‘n gemeenskapsvergadering toegespreek nadat ‘n skool in Soshanguve se krag vir maande af was. Plaaslike kontrakteurs het die herstelwerk gestaak en geëis dat hulle aangestel word vir die werk by die skool. Mabona sê Lesufi het tydens die vergadering verduidelik hoe regeringskontrakte gewoonlik geadverteer en toegeken word Steve Mabona Maandag een


Proteas doen dit teen Pakistan

Krieket: ‘n Briljante 193 deur Pakistan se openingskolwer, Fakhar Zaman kon nié vir sy span ‘n oorwinning besorg in gister se tweede een-dag-wedstryd teen die Proteas op die Wanderers nie. Suid-Afrika het aanvanklik onaanvegbaar gelyk nadat hulle 341 vir die verlies van ses aangeteken het, met die kaptein, Temba Bavuma, op 92 van 102 balle. Die wedstryd sal onthou word vir die manier waarop Zaman in die laaste boulbeurt uitgehardloop is, met sy telling op 193, waarna Pakistan nog 17 lopies gekort het.  Anrich Nortjé het drie paaltjies vir 63 geneem. Die  beslissende wedstryd vind Woensdag in Centurion plaas.


SAOG-troika praat die week oor situasie in Mosambiek

President Mokgweetsi Masisi van Botswana het lede van die Suider-Afrikaanse Ontwikkeingsgemeenskap se troika gevra om  die week te vergader om die geweld in die Cabo Delgado-provinsie in Mosambiek te bespreek.Die Suid-Afrikaanse weermag is reeds besig om van sy burgers wat in die gebied is na die buurland terug te bring.Die woordvoerder van die Suid-Afrikaanse weermag Sphiwe Dlamini. 


Brandstof word Woensdag duurder

Namibiese mororiste betaal van eerskomende Woensdag af meer vir brandstof.Die  prys van petrol en diesel styg dan met gemiddeld 50 sent ‘n liter. Dus, sal diesel aan die kus 13 doller 18 sent ‘n liter kos terwyl petrol teen 13 doller 15 sent sal verkoop. Die Nasionale Energiefonds sal die onderverhaling van 107 miljoen Namibiese doller wat in Februarie vanjaar aangeteken is dra en so ook die 90 miljoen doller wat in Maart vanjaar aangeteken is. Daar is steeds tans ‘n onderverhaling van 117 sent per liter petrol en 85 sent per liter diesel wat die verhoging genoodsaak het.