Namibiese biere wen ses medaljes

Namibië het ses medaljes by Afrika se grootste bierkompetisie verower. Namibië was goed verteenwoordig in die 2021 African Beer Cup, met plaaslike brouerye wat ses medaljes huis toe geneem het. Die Windhoek-gebaseerde mikrobrouery Roof of Africa het twee silwer en een bronsmedalje gewen. Camelthorn Brewing Company en Swakopmund Brewing Company, albei deel van Namibia Breweries, het ook medaljes verower. Camelthorn se Urbock het ‘n silwermedalje verower terwyl Swakopmund onderskeidelik goud en brons vir hul Urbock en Helles verower het. Sven Thieme, uitvoerende voorsitter van die Ohlthaver en List-groep, gesels met Kosmos 94.1 Nuus.


IPC veroordeel vra vir goedkeuring van Ivermektien

Die stryd om Covid-19 te beveg, is ‘n voortdurende stryd in hospitale en die politieke arena. Die jongste wat sy stem by die stryd teen die pandemie gevoeg het, is dr. Pendukeni Itula van Independent Patriots for Change, wat blykbaar kritiek lewer op die weiering van die regering om die gebruik van Ivermektien vir die behandeling van die virus goed te keur soos 30 dokters in hul petisie versoek het.


Hier is jou kans om groot te wen

Die gewilde Namibiese kampioen-boerewors-kompetisie van Shoprite en Checkers versoek weer alle Namibiërs op met die beste boereworsresep vorendag te kom. As jy dink jou boereworsresep is perfek, skryf voor 15 Junie in.Dalk is jy Namibië se volgende boerewors-kampioen. Die bekende sjef, Sanet Prinsloo.


Saoedi-Arabië het die getal Moslems vir hulle jaarlikse pelgrimstog beperk

Saoedi-Arabië het die getal Moslems vir hulle jaarlikse pelgrimstog bywoon tot 60-duisend verlaag weens die Covid-19 pandemie. Pelgrims moet tussen 18 en 65 jaar oud wees, geen chroniese siektes hê nie en ingeënt wees. Verlede jaar het Saoedi-Arabië vir die eerste keer in die onlangse verlede Moslems van oorsee verbied. Vanjaar se pelgrimstog begin na verwagting in die middel van Julie.


Leiers van die G7-lande steun reuse wêreldwye Amerikaanse infrastruktuurplan vir ontwikkelende en opkomende lande

Leiers van die G7-lande met die grootste ekonomieë, steun ‘n reuse wêreldwye Amerikaanse infrastruktuurplan vir ontwikkelende en opkomende lande as mededinging vir die sogenaamde Chinese Belt and Road-projek. Die Withuis sê die projek met die leuse, Build Back Better World, gaan met kapitaal uit die private sektor die ontwikkelende wêreld help met tekorte wat vererger is deur die Covid-19 pandemie. Die projek sal fokus op die klimaat, gesondheid, digitale tegnologie en die stryd teen ongelykheid


Red Force Debt Management ontferm hulle oor minderbevoorregtes

Dit is gedurende die koue wintermaande dat minderbevoorregtes baie hulp nodig het.
Red Force Debt Management is een van die maatskappye wat hulle ontferm oor die lot
van kwesbare Namibiërs in die winter. Hulle het komberse en voedsel-items aan
inwoners van Windhoek se informele nedersettings oorhandig. Julius Nyamazana,
uitvoerende hoof van Red Force, het met Kosmos 94.1 Nuus gepraat.


Lekker tennis vandag

Tennis: Barbora Krejcikova het die eerste Tsjeggiese vroue enkelspelkampioen sedert
1981 geword toe sy Anastasia Pavlyunchenkova van Rusland met 6-1, 2-6 en 6-4 in die
eindstryd van die Franse Ope geklop het.Sy het met die media gepraat na haar
oorwinning.