Afrika-olieweek volgende jaar in Ghana

Afrika-olieweek het aangekondig volgende jaar se konferensie gaan in Akkra, Ghana, plaasvind. Die 30ste byeenkoms word tans in Kaapstad aangebied. Afrika-olieweek wil sy invloed tot oral in Afrika se energie-sektor uitbrei. Ghana se regering, onder leiding van die minister van Energie, Herbert Krapa, het volle steun beloof en die nasie se bestendigheid en groeiende energie-sektor beklemtoon. Hy sê 2025 se byeenkoms gaan na verwagting nuwe vennootskappe tot stand bring en belegging in Afrika se energie-toekoms aanhelp.