Tarrio kry 22 jaar; Regsman vra, waar is Trump?

Die gewese Proud Boys-leier, Enrique Tarrio, is tronkstraf van 22 jaar opgelê omdat hy die vreedsame magsoordrag ná die 2020-presidentsverkiesing probeer keer het. Dis die langste vonnis wat opgelê is aan enige persoon wat by die 6 Januarie-aanval betrokke was. Meer as 1 100 mense is in hegtenis geneem. Distriksregter Timothy Kelly het Ethan Nordean en Joseph Biggs, twee van die verregse organisasie se topleiers, tot onderskeidelik 18- en 17-jaar tronkstraf gevonnis. Biggs se prokureur Norm Pattis, wil weet waar is Donald Trump?