Christine hardloop weer sodra wagtydperk verby is

Die Wêreld-atletiekkampioenskappe skop vandag af in Boedapest, Hongarye. Terwyl Namibië deur drie atlete verteenwoordig word, sal die Olimpiese naelloper Christine Mboma nie in aksie wees nie. Christine, wat na hierdie byeenkoms uitgesien het, wag steeds vir klaring van die Wêreld-atletiekliggaam oor haar hormoonvlakke wanneer sy toegelaat word om deel te neem. Haar afrigter, Henk Botha het met Kosmos 94.1 Nuus gesels en sê Christine sien uit daarna om weer te hardloop sodra haar ses maande wagperiode verby is.