Rugby: Pumas-ster terug vir Bokke-wedstryd

Rugby: Die veelsydige agterspeler, Emiliano Boffelli, is ingesluit as een van vyf veranderings aan die begin-vyftiental van Argentinië, wat in vanaand se opwarmings-wedstryd in Buenos Aires teen die Springbokke speel. Boffelli het nie verlede naweek in die laaste wedstryd van die Rugbykampioenskap vir Los Pumas teen die Bokke op Ellispark gespeel nie. Hy vervang die regtervleuel, Mateo Carreras. Heelagter Martin Bogado vervang die geskorste Juan Cruz Mallia. Hy is uit vir twee weke vir die laatvat wat die Springbok-skrumskakel, Grant Williams, katswink gelaat het.