Swapo Jeugliga het blykbaar N$14m kontrak gebreek

Die Swapo Jeugliga word volgens berigte gedagvaar vir kontrakbreuk van 14 miljoen Namibiese dollar. Daar word beweer dat die liga ‘n kontrak met True Media Trading onderteken het om ‘n geïntegreerde digitale lidmaatskap-stelsel aan die jeugliga te voorsien. Die eerste kontrak is in 2016 onderteken. Die waarde was 7,7 miljoen dollar en is deur die party se jeugliga, vroueraad en ouderlingsraad onderteken. In 2018 is dit uitgebrei en die waarde opgestoot na 14 miljoen dollar. True Media sê die party het nie betaling gemaak nie.