Fergie herstel goed ná operasie vir borskanker

Sarah Ferguson herstel goed ná ‘n operasie vir borskanker. Die hertogin van York is gediagnoseer na ‘n roetine mammogram-skandering. Die 63-jarige het die operasie verlede week in die King Edward Hospitaal, ‘n private kliniek in sentraal-Londen, ondergaan. Haar woordvoerder sê volgens haar dokters is haar prognose goed. In haar nuutste aanlyn-uitsending van Tea Talk, wat vandag uitgesaai word, vertel die hertogin hoe onwillig sy was om die mammogram te ondergaan.