Eiendomslenings van N$46,74 miljoen in mosiehof

Kommersiële banke het 63 aansoeke om verstekvonnisse vanoggend in die mosiehof gebring. Regters Nate Ndauendapo en Orben Sibeya het altesaam 94 aansoeke hanteer. Daar was 14 reël 108-aansoeke op die rol. Daar is 34 eiendomslenings ter waarde van 46,74 miljoen Namibiese dollar wat nou betaalbaar is, met 29 lenings waarop 9,7 miljoen dollar geskuld word. Twee voertuie moet ook terugbesorg word. In Maandag se sessie sal regter Collins Parker 39 onverdedigde egskeidings hanteer.