Windhoek is gasheer van Afrika-lugvaartkonferensie in 2024

Die Namibiese Lughawens-maatskappy bied in Junie volgende jaar in Windhoek die AviaDev Afrika-konferensie aan. Hierdie jaarlikse forum is ‘n toonaangewende platform wat toegewy is aan die verbetering van lugverbindings na, van en binne die Afrika-vasteland. Die forum sal invloedryke belanghebbendes, insluitend lugrederye, lughawens, toerismerade, regeringsamptenare en kundiges in die bedryf bymekaarbring om samewerking te bevorder, strategiese vennootskappe te smee en geleenthede te verken wat nuwe lugroetes regoor Afrika sal lewer. Die konferensie sal ‘n reeks sprekers, paneel-besprekings en werkswinkels insluit, sowel as ‘n uitstalling van lugvaartprodukte en -dienste.