Nog ‘n massaskietery in Serwië

Minstens agt mense is dood en 13 gewond in ‘n verbyry-skietery naby Belgrado in Serwië. Die aanvaller het ‘n outomatiese wapen gebruik om lukraak op mense naby die dorp Mladenovac los te brand. Volgens die staatsuitsaaier, RTS-televisie, soek die polisie na ‘n 21-jarige verdagte. Serwië se minister van Binnelandse Sake, Bratislav Gasic, het die voorval ‘n daad van terrorisme genoem. In nog ‘n voorval het ‘n 13-jarige seun Woensdag in Belgrado sy pa se wapens gebruik om 13 leerders en ‘n wag by ‘n skool dood te skiet.