Eskom: Fase 6-beurtkrag tot môreoggend

Eskom het fase 6-beurtkrag vanaf vanmiddag tot môreoggend vyf-uur ingestel weens beperkings op sy opwekkingsvermoё. Onklaar-rakings beïnvloed byna 18 000 megawatt se opwekkingsvermoё, terwyl beplande instandhouding meer as 5 000 megawatt buite aksie stel. Een opwekkingseenheid elk by Duvha, Grootvlei, Kendal, Majuba en Medupi en twee eenhede by Kriel is vir herstelwerk onttrek, sê  ʼn woordvoerder van Eskom, Menzi Mngomezulu.